هرتل ودع الآخرين يهرتلون
***************
دول يا بيه من النوع الشيوعي ومعاه بلاك بيري(أو جالاكسي نوت) وبيشرب مارلبورو أحمر وحافظ كلمتين عن الإضراب العام والثورة العمالية القادمة والحتمية التاريخية ومقضيها كافيهات فيها واي فاي عشان يدخل ع الفيسبوك وتويتر يكتب كل شوية جملتين تلاتة بتتكرر فيهم كلمة الثورة 15 مرة ف كل سطر.. ومرافق واحدة زيه كدا (أو واحد)..وغالبا هو فاشل ف تعليمه (أو حياته العملية) بس مقتنع إن مش هو السبب..وكلامه كله مصطلحات بلا معنى مع تكرار كلمات تدل على الامتعاض والسخط (زي الاقتران الدائم بين أي حاجة وكلمة خرا) والانغماس مع الجماهير المناضلة ومننساش إن الدقن لازم تكون معفنة بقدر الإمكان (والشعر إن أمكن)..مش بعيد كمان هدومه الي لابسها يكون جايبها من زارا بس لازم يبان عليها بعض الإهمال والدهولة (توحي بعدم التفاته للشكليات دي)..بالإضافة لاقتناعه بإنه فنان(غالبا شاعر أو رسام)..فنان له إفرازات فكرية ذات روائح لا تختلف عن جثة مات صاحبها من أسبوع ف شقة مقفولة ف الدور الأخير
**************
-أقول لصديقي:سر جاذبية إليسا هو بعض البلاهة المستترة في وجهها توحي بضعف أنثوي مع جسد فائر وشهي وعامر بالثمار..فيهز رأسه ويقول:اممممممم
-أقول له:بعض الأشياء حقيقية فقط وهي ليست مسألة رأي أو اختيار..الطائرات تطير ولكن البساط السحري والمكانس لا يفعلون..فيهز رأسه ويقول: اممممممم
-أقول:بمفهوم تطوري بحت الاستبداد يعارض التطور..بيقضي على عقليات من المفترض تشجيع بقائها وتناسلها وبيسمح ببقاء الأذلاء والضعفاء..فيهز رأسه ويقول:امممممم
-أقول:إذا كان الموسيقى والأغاني هما رقية الزنا فلابد أن الزنا شيء جميل يجب ممارسته كواجب وطني وإقامة برامج متخصصة للنشأ فيقول:امممممممم
أنا:إنتا بتعمل ايه يابن القحاب؟!
هو:ايه؟!..لا مفيش..بقولك يا معلم معلش عاوز 50 جنيه سلف.. وسيجارة بقى..هتيجي بالليل نشوف الماتش؟..إنتا مبتردش ليه..ها..مترد يا عم بتبصلي كدا ليه ؟!
*******************
يا بني اني اعلمك كلمات ان تبعتها تكن ابعد الناس عن الضلال الفكري:
*تجنب الاحكام المسبقة
*لا تعتقد انك تمتلك الحقيقة المطلقة
*لا تغلب عاطفتك وذاتيتك في نقاشك مع الاخرين
*لا تنتقد شخصية محاورك ولكن انتقد الافكار المطروحة
*انطلق دائما في نقاشك ابتداءا مما يطرحه الاخر وليس من افكارك انت
*لا تبني افتراضات الا على حقائق مثبتة أو أدلة منطقية
*لا مجال للاحاسيس الشخصية هنا اما ان تطرح أفكارا منطقية او لتصمت
*الحقائق العلمية ليست راي وليست مطروحة لابداء الراي فيها ولكن للبناء عليها
*تجنب الخوض بقوة في تفاصيل جانبية الا اذا كانت تخدم الخطوط العامة
*اغسل رجليك وسنانك قبل ما تنام
*****************
كام واحدة بتقابلها في الشارع او الكلية او اي غيره..ممكن تلفتوا انتباه بعض..وممكن تكونوا اكتر اتنين مناسبين لبعض ..وكل واحد بيكمل في طريقه وبينسى بعد كام خطوة..او يلعن حظه السيء اللي مخليه ف مجتمع مبيسمحش انهم يقربوا ويعرفوا بعض اكتر ¡¡
*****************
-انا(مازحا):مش هتجوزني بقى يا بابا؟
-الحاج(ضاحكا):زمان كان ف مثل ف الفلاحين بيقول..متتجوزش الانانة ولا ام ضحكة ولبانة ولا اللي تاكل وتعمل عيانة
-انا(مبتسما):يعني هتجوزني؟
-الحاج(بوجه خالي من التعبيرات):لا..عامل ايه ف المذاكرة؟
-انا(زاغرا):اه..كويس
*****************
اللهم أخرجهم من هذه القرية الظالم أهلها بقى..وسيبنا احنا قاعدين
****************
تبقى بتتكلم ف أي موضوع لازم يطلعلك الشخص البضان اللي يختزل الفكرة كلها ف حاجة تافهة وملهاش أي علاقة بالموضوع من (أو استمنى) ذكاؤه بيها عليه وتلاقيه بيتنحنح كدا وعلى وشه ابتسامة غبية ويبدأ ينتقد اللي فهمه دا ويطلع منه بمواضيع تانية أضل سبيلا ويناقشها ويحللها ويحكي مواقفه وفلسفته لحد ما يطلع دين أهلك ولا بأس من بعض الهرش ف مؤخرة راسه (او أي مؤخرة يعني) إيحاءا بالتفكير العميق الغويط ونظرة حانية عطوفة تطل من عينيه إشفاقا عليك وعلى قلة وعيك وإدراكك للأمور !
***************
من كام يوم راكب مع سواق تاكسي مشغل الراديو على إذاعة القرآن
الكريم..المذيع بيسأل الشيخ هل الشيطان بياكل ويشرب؟..انا بصيت للكاسيت كدا
وبصيت للسواق لقيته بيعلي الصوت عشان يعرف الإجابة..و هز راسه كدا بعد ما
سمع الإجابة وقال:ياااابن الوسخة..بعدين واحد زنق عليه وجري قام مطلع راسه
من الشباك :يابن الوسخاااااه
****************
عندما
ترى أماً تصفع طفلها على وجهه والشرر ينبعث من مقلتيها ويرتفع إصبعها
ليلامس شفتيها بمعنى الصمت فترتسم على وجهه أمارات القهر والغضب وضعف
الحيلة ثم ينقلب وجهه فجأة وهو يقول بتشفي : يا بنت الكلب
ليست هناك تعليقات:
إرسال تعليق