بقلم:محمود فؤاد
كنت ف يوم صياد وف يوم صبحت
غريق
العقل لما انغوى بدأ السقوط يا
شقيق
دا اللى زمان اتعود يعمل بقلبى
مداس
موّت ضميره وسرح بكرامتى وسط
الناس
أنا قولت لا مش ممكن دا أصله
كان حساس
كانت دموعه بتنزل لو كنت يوم
زعلان
وكانت عيونه بتنزف لو شافنى يوم
قلقان
يقرب منى يضحكلى..يمسك بإيدى
يسرقنى
ويقولى أيوا صدقنى
أيوا بحس بأمان
يا طيرى يا حيران ليه إنتا
دايما أسير
تطوف بلاد وبلاد وترجع لنفس
البير
كنت زمان بتقول دا لف قلبى حرير
دلوقتى بقى مليان صبار وشوك
وعجير
****
دا الوقت وقت الكلام اللى وجب
يتقال
لا عمر مرة البُرمجى هيصير فى
يوم أواب
ولا عمرى أنا هرتاح فى صحبة
الكداب
القلب بيك انتشى وطار بعيد
فرحان
وبردو بيك انكوى ولا عمره بيك
اتصان
سيب روحى واطلقها ملكش فيها
مكان
أنا أصلا منى راحت ف زحمة
التوهان
الصبر منى داب والعقل تاه
مشاوير
دا ساعات القلب يتساب تلقاه ف
إيد مغاوير
ليست هناك تعليقات:
إرسال تعليق